Geveltekste Zittert II,
’t Zittesj Woonverlede, waat Thei Oberdorf veursjtòng, is weier ein sjtökske korterbie gekòmme.
In deil 2 is veur ‘t eesj ein kòmbenasie van gevelteikes, aangevöld mit omvangrieke gezetteknipsels oet ’t Aezelarsjief, (òngertössje zoo’n 60.000), aangevöld mit arsjief dokemènte van Math Vleeshouwers, Pfeifer sr, VSV intervjoews, sjtadsarsjief, Kollebergbuikskes 1896-1934 en versjeie privé-arsjieve van partikleiere, dat Thei’s wunsj get korter bie brink.
En wae waore hun veurgèngesj en wae koum nao hun?
Soms zeen ze te dateiere aan hun sjtraotnòmmesj van veur of nao 1915-1925, en de versjeie funksies, die de panjer höbbe gehad in de loup van de jaore mit hun bewoonesj en produkte
Vanaovend zulle veer een aantal panjer o.a. oppe Mert, Pöt- en Paesjsjtraot, Lömmerichersjtraot, Kloosterpleij en Riekswaeg Noord, mit hun tekste en weitenswaerdighede, wo veer genóg van weite óm uch verantjwoord te presenteiere, de revue laote passeiere, ondanks noe en dan vraogteikes te plaatsje, bie waat veer nog wieër mòtte òngerzuike.